طريقة تحضير محنشة باللوز بالصور

السلام عليكم جاراتي اليوم جبت ليكم طريقة تحضير محنشة

باللوز بالصور لذيذة و مقرمشة و سهلة فالتحضير

و يمكن ليك دري الحجم لي بغيتي كبيرة او صغيرة حسب ذوقك

مقادير محنشة باللوز بالصور

250 غ من اللوز
125 غ سكر سنيدة
ورقة بسطيلة حسب الحشوة
ربع ملعقة صغيرة من مسحوق القرفة
15 غ زبدة ذائبة
قليل من الزبدة الذائبة لدهن الورقة
زيت للقلي
1 بيضة مخفوقة ياش نلصقو الورقة
عسل مُنَكّه بقليل من ماء الزهر

طريقة تحضير محنشة باللوز بالصور

نسلقو اللوز و نقشروه و نقليوه في الزيت

نطحنوه و نحتفظو بكمية قليلة للتزيين

و نخلط الباقي جيدا مع السكر

نزيدو القرفة و الزبدة

و نقطع الورقة على هذا الشكل

ثم ندهنها بالزبدة و نضع الحشوة على الورقة كما في الصورة

و نلويو الورقة على الحشوة ثم نلويو ورقة لمحنشة على شكل

حلزوني كما في الصورة و نلصق الحافة بشوية البيض المخفوق

و نستمرو في العملية حتى النهاية

ثم ندخلوها الى الفران على درجة حرارة 180 تقريبا 20 دقيقة

مع المراقبة المستمرة لانها دغيا كتحمر

ملي نخرجوها من الفران نسقيوها مباشرة باش تشرب لعسل

و في الاخير نرشو فوقها اللوز مهرمش مخلط بشوية القرفة

بالصحة و الراحة